Psalms 148
Yook 148
1Yariman ye aningko kankoonime!Ewen arimbedYariman ye aningko kankoonime.
Ambab ari kaimbedYariman ye aningko kankoonime.
2Ye engyus korem,Yariman ye aningko kankoonime.
Ye ana nangmidan korem,Yariman ye aningko kankoonime.
3Aron yoom wood yoom,Yariman ye aningko kankoonime.
Yurimaib ye mindong,Yariman ye aningko kankoonime.
4Ewen,Yariman ye aningko kankoone.
Ok ambid animari,Yariman ye aningko kankoone.
5Yi korem kuuYariman ye aningko kankoonime,
amborom kuu yembed weng yedme kowoona doriwen kowe.
6Yembed yi yaa yumbon bangkandoona kangdommo kwane dobaraniib aron korem korem,
yembed dowan kerindeban ye amob ongmoon kui.
7Okad arimbedYariman ye aningko kankoonime,
karamok ye omyereyiib karamok niindem yiri doriib ye dingkaniib
8imakiib am yurukmo boyarewiib wiiwam yurukmoyiib wiiwiib
ye weng yaambed kwamimaib ye nuub darewoowiib
9aangko aangkoyiib koodbon koremiib
yob irimaib ye ayiib at sidaa koremiib
10kiib dingkaniib amongkob dingkaniib
yiyiib ayari oniib
11okad yiri ye kingdaniib ambibkin koremdaniib
okad yiri ye korok korokiib okad yiri ye wengyundidaniib
12kewediib koyuyiib
aamkono aamkonoyiib danayayiib kui.
13Yi korem kuuYariman ye aningko kankoonime,
amborom kuu ye aningkomo kuu darewoob arimbed,
kwane ye nambiri kuu okadiib Eweniib burudande arimbed.
14Ye nimakarub yi dowad aromkono kaiman ongmoon,
kuyaa kuu ye karadmodan korem kuu kube yirin kamaniib,
Israeldan kui,Yariman ye dia doriibdan kui.
Yariman ye aningko kankoonime!
Copyright information for
YON